تحدث الفنان المصري محمد نور، خلال استضافته في بودكاست “كلمة السر” مع رانيا حكيم عن تفاصيل نشأته في بيت فني وعن حقيقة لحظة توثيقه لجنازة والده وعن علاقاته بفريق واما. وفي سياق الفن، إطلعي على أحمد سعد يتعرض لحادث خطير… وسيارته الجديدة تحطمت!
من الجدير ذكره أن محمد طرح أغنيته الجديدة بعنوان “رجوع مفيش”، على يوتيوب وجميع المنصات الغنائية، هذه الأغنية من كلمات عمر عبدة على، ألحان عمر الشاذلي، توزيع ومكس وماستر هشام البنا.
ما حقيقة توثيق جنازة والده؟
وكشف محمد نور حقيقة توثيق جنازة والده خلال استضافته في بودكاست «كلمة السر مع رانيا حكيم»: قائلا «أنا معرفش أنا مصورتهاش لأنه كان وقت كورونا وبعدين أبويا الله يرحمه كان أقرب حد ليا وكان آخر 6 أو 7 شهور كان تعبان جدًا وقت الكورونا ومكنش فيه شغل ومكنش فيه فلوس وكنا قاعدين في البيت، ووقت ما توفى الموضوع كان صعب جدًا بالنسبالي وانا موثقتش حاجة الواحد كان في إيه ولا إيه».
وأضاف: «قعدت بتاع 15 أو 20 يوم مش مصدق ومش مستوعب لأن أبويا كان طيب وأطيب واحد وفي حياته عمره ما زعقلي، وأنا عيالي على وعمر بنفخهم وبضربهم وبجري وراهم».
وتابع: «اللي بيعرفني من قريب بيشوف حاجات مختلفة خالص غير شكلي، واللي بيشوفني بيقولي انت قد ايه طيب وبتحب الناس وكل اللي ميعرفنيش يفتكر حاجة تانية».
واستطرد: «أنا مبعرفش أعمل أي حاجة من غير لما أكلم أمي، وهي قاعدة معايا في نفس البيت في الدور اللي تحت، وأنا نازل وطالع ادخلها اشوفها محتاجة حاجة ناقصة حاجة ومبقولهاش أنا مسافر كتير عشان بتتوتر ووجودها في حياتي مطمئن ومخليني أحس إن مفيش مشكلة في أي حاجة وكلمة السر عندي في دعوة أمي ليا وأي حد بيدعيلي».
وتحدث محمد نور عن الانذارات في حياته وأسباب تخوفه، قائلًا: “مشكلتي من وأنا صغير ناس صحابي صغيرين ماتوا فالموضوع ده بيخوفني جدًا وبخاف على الناس اللي حواليا والتجارب دي سابتلي أثر مرعب وموضوع الموتوسيكل بالذات فدي أكتر حاجة فيها انذار، والانذار بقى مرتبط بالموت”.
وعن تعامله مع الأشخاص لأول مرة وانطباعه عنهم، أوضح: “أنا أي حد بشوفه لأول مرة يا إما أحبه يا إما محبهوش مباخدش وقت، فالانطباع الأولاني يا إما ظريف يا إما دمه تقيل”.
وعن رأيه في نجاح فرقة واما، أكد: “واما ناجحة جدًا لحد ما جه الوقت اللي أنا بقيت أغني لوحدي وفهمي بيمثل، واحنا رجعنا وكنا لسه امبارح في السعودية عندنا تور في أمريكا وكندا”. واستكمل: “نادر حمدي فضل إنه يخليه في التوزيع وكده وهو فضل التوزيع وهو أخونا وصاحبنا وعشرة عمرنا، ومحصلش اي خلاف بينا وهو مركز في التوزيع وناجح جدًا فيه واخوات وأصدقاء وحبايب”. واختتم: “اللي كونلي شخصيتي إن بابا وماما سابوني اتعلم واتعلمت اعتمد على نفسي وماما كانت بتعزف قانون وبابا كونترباس ومتعلمتش حاجة غير المزيكا وبابا كان موجه أول تربية موسيقية وكان بيعزف كونترباس زمان واخويا بيعزف كامنجا وعايش برا”.
أخيرًا وحول آخر أخبار المشاهير تابعي أنباء متداولة عن زواج آيتن عامر من منتج شهير… وهذا أول تصريح لها حول ذلك!؟
